Vətəndaş Həmrəyliyi Partiyası Azərbaycanda müstəqil, demokratik, dünyəvi, hüquqi dövlət və azad vətəndaş cəmiyyəti qurmaq məqsədi ətrafında milli və dini mənsubiyyə¬tindən, sosial mənşəyindən asılı olmayaraq, bütün təbəqələrdən olan Azərbaycan vətəndaşlarını birləşdirən parlament tipli siyasi partiyadır.
     VHP öz fəaliyyətini Azərbaycan Respublikasının Konstitusiyası, «Siyasi partiyalar haqqında» Qanunu və digər qanun¬vericilik aktları, beynəlxalq hüquq normaları, öz Məramnaməsi və bu Nizamnamə əsasında qurur. Könüllülük, partiya üzvlərinin hüquq bərabərliyi, özünüidarə, qanunçuluq və aşkarlıq VHP-nin təşkili və fəaliyyətinin başlıca prinsipləridir.
Milli birliyi və vətəndaş həmrəyliyinin, sülhünü Azərbaycanın ərazi, mənəvi və geosiyasi bütövlüyünü qorumağın zəruri şərti hesab edən VHP ümumbəşəri siyasi dəyərlər olan azadlıq, bərabərlik və həmrəylik ideyalarına söykənir.
      İnsan hüquqları və azadlıqlarına, demokratiya ideallarına sadiq olan; dünyəvi, hüquqi və demokratik Azərbaycan Respublikasının birliyini və bütövlüyünü hər şeydən üstün tutan; milli və mənəvi dəyərlərimizə inamla bağlanan; Vətəndaş Həmrəyliyi Partiyasının prinsiplərini qəbul edən, partiya Nizamnaməsinin və Məramnaməsinin müddəalarını yerinə yetirməyi öhdəsinə götürən; qanunla müəyyənləşən əngəlləri olmayan; 18 yaşına çatmış hər bir Azərbaycan vətəndaşı Vətəndaş Həmrəyliyi Partiyasına üzvü ola bilər.
     VHP-yə üzvü olmaq istəyən hər bir şəxs 3x4 ölçülü 3 ədəd fotoşəkil və şəxsiyyətini təsdiq edən sənədlə yaşadığı və ya işlədiyi rayonun ərazisində fəaliyyət göstərən VHP-nin yerli təşkilatına müraciət edə bilər. VHP-yə üzv olmaq istəyən şəxs  iki partiya üzvünün zəmanəti ilə VHP-yə qəbul edilir.

Vətəndaş Həmrəyliyi Partiyasına üzv olmaq istəyən VHP-nin Təşkilat Şöbəsinə və ya rayon təşkilatlarına müraciət edə bilər.

       Tel:   (+994  12)  493-71-45 / 493-66-22 
               (+994  50) 753-33-83

VHP-yə üzv olmaq istəyən aşağıdakı anket formasını doldurmalıdır.